கொழும்பு - பதுளை வீதியில் பெலிஹுல்ஓயா பகுதியில் எண்ணெய் கசிவு காரணமாக சறுக்கிய எரிபொருள் பவுசர் பெரும் விபத்தில் இருந்து தப்பியது

2026 அக்டோபர் 15 அன்று காலை 06:47 மணியளவில், கொழும்பு - பதுளை பிரதான வீதியின் பெலிஹுல்ஓயா வளைவான பகுதியில் பயணித்த CEYPETCO எரிபொருள் பவுசர் ஒன்று, வீதியில் கசிந்திருந்த எண்ணெய் படலம் காரணமாக திடீரென சறுக்கலுக்கு உள்ளானது. இதனால் சாரதியின் கட்டுப்பாட்டை இழந்த வாகனம், வீதியின் நடுவே கிட்டத்தட்ட 90 பாகை அளவுக்கு சுழன்று, வீதியோர வடிகால் மற்றும் மண் திட்டு அருகில் மோதி நின்றது. அதிர்ஷ்டவசமாக பவுசர் கவிழ்ந்து விபத்துக்குள்ளாகாமல் தப்பியது. அந்த நேரத்தில் பின்னால் வந்த த்ரீவீலர் மற்றும் மோட்டார் சைக்கிள் ஓட்டுநர்கள் தங்கள் வாகனங்களின் வேகத்தை உடனடியாகக் கட்டுப்படுத்தியதால், ஏற்படவிருந்த பெரும் தொடர் விபத்து த தவிர்க்கப்பட்டது. சில விநாடிகளுக்குப் பிறகு, பவுசர் வாகனத்தின் சாரதி அதனைச் சீராக முன்னோக்கி இயக்கி வீதியிலிருந்து அகற்றிச் சென்றார். இந்தச் சம்பவத்தில் யாருக்கும் காயங்கள் எதுவும் ஏற்படவில்லை என்றாலும், மலைப்பாதைகளில் எண்ணெய் கசிவுகள் எற்படுத்தும் ஆபத்தை இந்த சிசிடிவி காட்சிகள் தெளிவுபடுத்துகின்றன. கொழும்பு - பதுளை வீதி போன்ற வளைவான மலைப்பாதைகளில் பயணிக்கும் வாகன ஓட்டிகள், எப்போதும் போதுமான இடைவெளியைப் பேணுவது அவசியமாகும். எண்ணெய் படலங்களில் திடீர் பிரேக் செய்வதைத் தவிர்த்து, எஞ்சின் பிரேக் மற்றும் ஸ்டீயரிங் கட்டுப்பாட்டைப் பயன்படுத்தி வாகனத்தை மீட்க வேண்டும். அவசர கால உதவிகளுக்கு உடனடியாக 119 அல்லது 1990 ஐ அழைக்கவும்.