தெலிஜ்ஜவில சந்தியில் மோட்டார் சைக்கிள் ஓட்டுநரின் உயிரைக் காப்பாற்றிய காரின் சாரதியின் சமயோசித புத்தி: சிசிடிவியில் பதிவான பரபரப்பு காட்சிகள்

மாத்தறை - அக்குரேஸ்ஸ பிரதான வீதியில் தெலிஜ்ஜவில சந்திக்கு அருகில் இடம்பெறவிருந்த கோர விபத்து ஒன்று, காரின் சாரதியின் சமயோசித செயற்பாட்டால் அதிசயமாகத் தவிர்க்கப்பட்டுள்ளது. அருகில் உள்ள வர்த்தக நிலையம் ஒன்றில் பொருத்தப்பட்டிருந்த சிசிடிவி கெமராவில் இக்காட்சிகள் பதிவாகியுள்ளன. வீதியின் இடதுபுறத்தில் சென்றுகொண்டிருந்த மோட்டார் சை ஒன்று, எ cஎந்தவித முன்னறிவிப்புமின்றி திடீரென வீதியின் நடுப்பகுதிக்கு வந்து வலதுபுறம் திரும்ப முயற்சித்துள்ளது. அதே திசையில் அதற்குப் பின்னால் சாதாரண வேகத்தில் வந்த வெள்ளை நிற சுஸுகி வேகன் ஆர் (Suzuki Wagon R) காரின் சாரதி, மோட்டார் சைதியின் மீது மோதுவதைத் தவிர்ப்பதற்காகத் தனது வேகத்தைக் குறைத்து, உடனடியாக வலதுபுறமாக இருந்த சந்துப் பகுதிக்குக் காரைத் திருப்பியுள்ளார். சடுதியான பிரேக் பாவிப்பு காரணமாக டயர்களில் இருந்து புகை கிளம்பி வீதியில் வாகனம் சறுக்கிச் சென்றபோதிலும், சாரதியின் திறமையான கட்டுப்பாட்டினாலும், அந்த நேரத்தில் எதிரே வேறு வாகனங்கள் வராததாலும் பாரிய உயிர்ச்சேதம் தவிர்க்கப்பட்டது. அவசர விபத்துக்களின் போது உடனடியாக 1990 சுவசெரிய அவசர ஊர்தி சேவையைத் தொடர்புகொள்ளவும். சாலைப் பாதுகாப்பு அறிவுரை: வீட்டின் இடது ஓரத்தில் இருந்து கொண்டு திடீரென வலதுபுறம் திரும்புவது பாரிய விபத்துக்களை ஏற்படுத்தும். எனவே, வாகன ஓட்டுநர்கள் எப்போதும் முன்கூட்டியே சைகைக் காட்டிவிட்டு, பின்னோக்கிப் பார்க்கும் கண்ணாடிகளைப் பரிசோதித்து வீதியின் மத்திய பகுதிக்குச் செல்ல வேண்டும். ஆபத்தான தருணங்களில் பிரேக் செய்வதுடன் பாதுகாப்பான மாற்றுப்பாதையை நோக்கி வாகனத்தைத் திருப்புவது விபத்துக்களைத் தவிர்க்க உதவும்.