දඹුල්ල - හබරණ මාර්ගයේ අවිනීත බස් රථ රියදුරෙක් නිසා සිදු වූ අනතුරකින් රංගිරි දඹුලු ජාතික පාසලේ විදුහල්පති ජීවිතක්ෂයට

දඹුල්ල – හබරණ ප්‍රධාන මාර්ගයේ පැල්වෙහෙර ප්‍රදේශයේදී අද(18) අලුයම සිදු වූ රිය අනතුරකින් දඹුල්ල ජාතික පාසලේ විදුහල්පති ජානක විජේසිංහ මහතා අවාසනාවන්ත ලෙස ජීවිතක්ෂයට පත්වුනා. ත්‍රිකුණාමලයේ සිට කොළඹ බලා ධාවනය වූ අධි සුඛෝපභෝගී බස් රථයක වේගය පාලනය කරගත නොහැකිව, ප්‍රතිවිරුද්ධ මංතීරුවේ පැමිණි විදුහල්පතිවරයාගේ මෝටර් රථයේ මුහුණට මුහුණ ගැටී මාර්ගයේ නවතා තිබූ තවත් මෝටර් රථයක සහ අසල වූ අවන්හලකට කඩා වැදීමෙන් අනතුර සිදුව තිබුනා. මෝටර් රථය තුළ සිරවී සිටි විදුහල්පතිවරයා ප්‍රදේශවාසීන් විසින් මුදාගෙන දඹුල්ල මූලික රෝහලට ඇතුළත් කරන විටත් මියගොස් සිටි අතර, අනතුරින් බස් රථයේ සිටි දෙදෙනෙකුද තුවාල ලබා තිබූ බව වැඩිදුරටත් වාර්තා වෙනවා. " ආරක්ෂාකාරී රිය පැදවීමක් තුලින් මාර්ග අනතුරු වලින් තොර සමාජයක් බිහිකිරිමට, මෙම අනතුරෙහි ජායාරූප විමසා බලා සිහියේ තබා ගැනීමට උපකාරීවනු පිණිස පලකරනු ලැබේ " ජායාරූප ස්තුතිය - Amila Indrajith | Team1st, DS Transport Recovery & Boom Truck Service & Uvindu Aliya Amarasinghe